中年好聲音│羅啟豪演唱會尾場流下男兒淚 童年反叛媽媽望子成龍送英國寄宿

《中年好聲音》自播出以來，一班參賽者慢慢儲了一班fans，38歲的羅啟豪由黑馬到最後奪得亞軍，參賽期間一直沉穩地過五關斬六將。日前他達成了夢想，在13、14日於九龍灣國際展貿中心Star Hall舉行《中年好聲音夢想成真演唱會》，唱至尾場大合唱時，竟然激動得流下男兒淚。

同場加映：

大離婚日丨田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="B3146A38-B56A-4863-9C6C-CB769B2E4B93_600.jpeg"}}{{/hket:inline-image}}

{{hket:inline-image name="CABD42A7-B294-4BF8-8E9E-FA6A8A12797C_600.jpeg"}}{{/hket:inline-image}}

《中年好聲音夢想成真演唱會》上，26位歌手都以合唱或獨唱形式表演。任職平面設計師的羅啟豪，與無綫簽約成為歌手，踏上舞台獻唱。擁有一班專屬fans，難怪在演唱會的尾場，他與其他歌手們搭膊頭一起合唱歌曲時，也因感觸而激動爆喊。他接受《晴報》訪問時表示自己都預料不到會喊，「其他戰友都留意到，比賽過程中我從來都冇喊過。其實我平時除咗睇戲會喊之外，我係唔容易會喊嘅。但係去到演唱會尾場唱到《千載不變》嘅尾段，個個喺度攬住喊嘅時候我都忍唔住，其實係一種釋放。呢六個多月來嚟一直投放我所有嘅時間、心機、精神落去個比賽，同埋諗起我喺一個咁特別嘅情況之下識到一班共同進退，同埋有共同夢想嘅好朋友，我一時感觸忍唔住喊咗出嚟。呢個演唱會為我哋呢個比賽畫上完美嘅句號，同一時間亦都係我哋26強，同埋所有台前幕後工作人員（可能係）最後一次一齊合作。」

{{hket:inline-image name="335.jpg"}}{{/hket:inline-image}}

{{hket:inline-image name="118.jpg"}}{{/hket:inline-image}}

中年好聲音丨羅啟豪認已簽約無綫留港做歌手 濕疹導致性格內向靠比賽豁出去【下一頁】

中年好聲音丨英國豪由隱形人越戰越勇成大熱 羅啟豪遺傳歌唱家媽媽音樂基因【下一頁】

羅啟豪有今日的音樂成績，遺傳了母親的優良基因，早前他與《聲夢傳奇》一班學員參與《我和媽咪有個約會》節目錄影時，帶同曾經是歌手的母親劉英（Anne Lew）出席；一齊穿上粉紅色衫母子裝出席。另外，同場李佳表演完後，兒子們上台獻花，十分溫馨。

《我和媽咪有個約會》節目中，羅啟豪、黃洛妍（Janees）跟自己的母親真情剖白。他們寫信答謝母親，羅啟豪自爆細個時經常駁嘴，自己要求學鋼琴卻又不肯乖乖練習，他於信中提到︰「我細個比較頑皮同唔聽話，做功課同練琴成日要你去督促，普通話補習時永遠唔見咗人，仲要成日同二家姐打交，令你好心痛，將我送去英國寄宿，等我學識自律。最近你畀咗勇氣我去參加《中年好聲音》，令我可以開始人生新一頁，媽咪我多謝你，我永遠愛你。」母親聽後都感動眼濕濕，二人擁抱，一起拖手合唱。有母親在旁，羅啟豪表演得更淡定，母子合唱英文歌《Cheek to Cheek》，十分合拍。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

撰文：王連連